Archive

Archive for the ‘Акции’ Category

Death Race 2 (2010)

April 2, 2011 Leave a comment


Едноставно нели, обожавам вакви моменти! Кога ќе видам дека некој филм е направен за видео дистрибуција од старт имам лошо мислење. Кога самите продуценти сметаат дека не е доволно добар за кино дистрибуција, зашто ли јас би го гледал со поинаква претпоставка. Поучен и од милион продолженија на други филмови кои за разлика од оригиналите одат директно на видео и се мизерно лоши, Death Race 2 не можеше да биде ништо друго освен нивни следбеник. И, конечно тука доаѓа моментот што го обожавам. Death Race 2 изненадува 100% и е најдоброто што филм од негов калибар би требало да биде.

Death Race 2 носи унитување на ниво!

Приказната е претходница на Death Race и раскажува за настанувањето на возачот под име Frankenstein, кој погинува на почетокот на првиот дел, и општо за почетоците на самата трка. Нешто што започнува како обична борба до смрт на затвореници, поради опаѓање на гледаноста се трансформира во смртна трка. За да биде влогот поголем, победникот после 3 дневни трки добива целосно помилување и ослободување од затвор. Уште повеќе ги замрсува сметките тоа што за главата на главниот лик , Carl Lucas, има распишано и награда од 1 милион долари. Победникот е секако со дупла добивка.

Главната улога е за Luke Goss

Death Race 2 е евтин во поглед на приказна, смисла, поента, етика, морал и било каква повисока вредност. Затоа изобилува со се што еден акционен филм треба да има. Многу акција, насилство, крв, тепачки, убиства, уште крв, полуголи згодни жени, уште насилство, коли, тркање и уште редица работи чија главна намена е подигање на адреналин. Сето тоа спакувано во одлично пакување што би значело дека камера, фотографија и продукцијата се на се се на сосема задоволително ниво. Друго нешто со кое изненадува Death Race е тоа што во себе меѓу другите ги има Sean Bean, Ving Rhames и Danny Trejo! Скоро да неможеш да побараш повеќе од филм наменет да лета директно на DVD!

7/10

Advertisements

The Green Hornet (2011)

March 20, 2011 Leave a comment

Ретко се откажувам филм. Колку и да е лош му давам шанса до крај да се искупи за сите претходни глупости. Е за овој не успеав, не му дозволив! Издржав едно полувреме и мислам и тоа му беше доволно, дури и премногу! Комбинацијата од се то што го видов во тие 45 минути е рецепт за производство на повраќаници а секако не за акциона комедија!

Приказната, сосема објективно, е идиотска до крајна мера. Кога на Britt Reid (Seth Rogen) ќе му почине таткото ултра-милионер од досада се решава да стане супер херој. Не за друго туку затоа што во неговиот моронски живот никогаш ништо не направил освен тоа што ги трошел парите на татко му. Во тој негов потфат ќе му помогне Kato кој е поранешниот автомеханичар и бариста на неговиот татко! Покрај тоа што е вешт со автомобили и кафе тој има и натприродна моќ и боречки вештини, знае да произведува и дизјанира оружја, одличен шофер е и може да произведе 4 автомобили во рок од неколку недели. Мислам дека го најдовме азискиот Chcuk Norris! И така тие двајца рака под рака тргнуваат против најголемиот криминалец во градот – Benjamin Chudnofsky игран од Christoph Waltz. Главна женска улога е Cameron Diaz. По мое мислење ова е мизерно лош кастинг.

Најголемиот идиотизам во филмов е Seth Rogen. Не ми е јасно зашто Холивуд толку упорно го турка овој човек кој нема грам глумечки талент. Во сите негови улоги е сосема истиот! Мрзлив, глуп џанак и ништо повеќе од тоа. Ќе беше супер да му е тоа глума, ама не му е! Он навистина е мрзлив глуп џанак! Сите ликови што ги глуми воопшто и не се разликуваат од тоа кој вистински е Seth Rogen. Затоа и не ми е јасна неговата популарност. Едвај чекам да дојде денот кога ќе му истече рокот.

Друга работа што се наметнува во врска со филмов е одличниот рејтинг на IMDB од 6.4. Или критериумите на оние што гласаат таму се паднати страшно ниско, или филмов имал спектакуларно добар крај. Чисто се сомневам во ова второво. Друга варијанта е дека до некаде се работи за стара слава. Green Hornet е лик кој постои веќе долги години. Започнува како радио лик во 1936 година за да после се прослави и во стрип и на ТВ. Идеата за долгометражен холивудски филм за прв пат е ставена во сила во 1990тите. Кога ќе се земе во предвид речиси 20 годишниот продукциски пекол низ кој што има поминато филмов, екипата може да биде презадоволна со оваа оценка од гледачите.

Мизерно лоша преработка од страна на одвратниод Seth Rogen не може да добие ништо повеќе од 3/10.

...или сепак требаше 2/10?

 

The Mechanic (2011)

March 3, 2011 Leave a comment

Ако имате гледано кој било од Transporter 1-3, Crank 1-2, Revolver, 13, Death Race и The Expendables тогаш многу ви е јасно каков филм е The Mechanic! Jason Statham е профи убиец кој работи по порачка. Како цел на една таква нарачка си го убива својот најдобар пријател. Откако подоцна ќе сфати дека неговиот пријател бил местен за работи што не ги направил тргнува по нарачателите на убиството. Тој еден процент во кој се разликуваат сите погоре наведени филмови тука е замешувањето на синот пријател му. Чуствивајќи најверојатно вина, Statham ќе го земе под своја заштита и ќе го воведе во неговиот свет на платен убиец.

Глупости на квадрат. Плитка приказна, непостоечка глума, видени акциони сцени, ништо инвентивно. Згора на се расплет кој е идиотскии крајно предвидлив. Знам многу Мики Маус цртани кои имале поголема неизвесност! Не знам како на Statham не му здосадуваат овие се едни исти улоги пак и пак и пак!

Покрај него во главните улоги се јавуваат и Ben Foster и Donald Sutherland.

Ќе му дадев 6/10 за оцена но открив дека е преработка на истоимен филм од 1972 во која главна улога игра легендарниот Charles Bronson. Ова дополнителну му ја спушта вредноста на The Mechanic. Ај што се дрзнале да го преработат оној на Bronson него и ништо не направиле во процесот, дури и постерот го ископирале.

4/10

True Grit (2010)

February 25, 2011 3 comments

Година: 2010
Режија: Joel and Ethan Coen
Сценарио: Joel and Ethan Coen (сценарио), Charles Portis (роман)

Приказна: Најпрво вреди да се спомне фактот дека истава приказна е веќе филмувана во 1969. Филмот го носи истиот наслов а во главната улога е легендарниот John Wayne. Бидејќи го немам гледано, неможам да судам за неговиот квалитет ниту пак колку новиов True Grit е преработка или е едноставно нов поглед на романот на Charles Portis. Тука и ќе го завршам муабетот за старата верзија.

Приказната во True Grit претставува нарација на Mattie Ross, сега веќе средовечна жена, за случувањата во нејзиното детство околу убиството на нејзиниот татко.  Иако само 14 годишно девојче таа на итар и неверојатно тврдокорен начин успева да го најми маршалот Rooster Cogburn и тексашкиот ренџер LaBoeuf да го најдат убиецот. Така со нив двајца тргнува по потрага за Tom Chaney низ американските прерии. Тоа можеби и не би бил толку голем проблем доколку не се земат проблематичните карактери на двајцата главни протагонисти. Cogburn, веќе во години, е суетен и пропаднат пијаница а LaBoeuf е осаменик далеку од својот дом, научен да не верува на никој друг освен на себе си. Ниту еден од двајцата не и ја олеснува работата на малата Mattie Ross.

Иако филмов припаѓа на вестерн жанрот, направен е на така фин начин што верувам дека ќе се допадне и на женската публика. Кон таква претпоставка ме влече и сентименталната нота проткаена низ крајот на филмот која сигурно нема никого да остане рамнодушен.

Екипа: Нема ништо поубаво кога една одлична филмска приказна ќе биде одиграна од уште подобра глумечка екипа. True Grit е баш еден таков пример. Jeff Bridges (Rooster Cogburn) , Hailee Steinfeld (Mattie Ross), Matt Damon (LaBoeuf) и Josh Brolin(Tom Chaney) даваат прекрасни изведби! Тоа мое мислење не е поради фактот што се ѕвезди! Ни најмалку не е така! Луѓево во филмов се едноставно феноменални, даваат можеби се од себе за да на веродостоен начин ги одиграат улогите кои што им се дадени. Нешто што можеби и треба да е стандард но за жал стандард што се помалку го има во Холивуд.


За Hailee Steinfeld улогата на Mattie Ross е нејзина прва на големото платно. Можете да замислите колку е само добра кога во својот дебитантски настап успева да добие номинација за оскар. Подобра глума од млада актерка немам видено со години!


Начинот на кој господинот Jeff Bridges успева да се истрансформира од филм до филм се граничи со генијалност! Нема како поинаку да се објасни и неговата улога како Rooster Cogburn која му ја носи шестата номинација за оскар! Лани истата таа награда и ја освои. Изгледа како да влегува во своето златно глумечко доба кога целиот талент му експлодира на најдобар можен начин.

Се на се: 10 номинации за оскар, 13 други веќе освоени награди и уште 54 други номинации. Филм за сечиј вкус што несмее никој да го пропушти! Чиста десетка!

Оценка: 10/10

Unstoppable (2010)

January 8, 2011 2 comments


Година: 2010
Режија: Tony Scott
Сценарио: Mark Bomback

Екипа: Никој не би можел да се жали за недостатоци во овој аспект на филмот! Дури и во најлоша форма Denzel Washington може да поткрене филм на едно скалило повисоко. Иако ова е далеку од негова најдобра улога сепак е солиден и го пружа токму тоа што се бара од ликот што го игра! Chris Pine верувам е ставен во филмов колку-толку да привлече женска публика. Кого и да ставеле на негово место би изиграл добро пред се затоа што и нема којзнае што за глумење. Може да се каже дека глумците се некако споредната работа во целиов филм иако на моменти добро придонесуваат. Главното е самата приказна за која режисерот и сценаристот се имаат погрижено да е супер возбудлива, неизвесна и интересна од почеток до крај!

Приказна: Животот пишува романи! Е во овој случај, животот пишува сценарио! Unstoppable е сниман по вистинска приказна која како што ми се чини е многу малку изадаптирана за филмскиот екран! Се почнува кога на еден паркинг за возови, на машиновозачот успева да му избега цела композиција од вагони и тоа под полна гас! Да бидат работите уште полоши, дел од вагоните во себе носат високо запалливо и токсично средство. За кратко време сите сфаќаат дека немаат избеган воз но избегана ракета која се очекува да експлодира секој момент. Во борбата да се сопре возот директно се вмешуваат двајцата главни протагонисти (играни од Washington и Pine) инаку најобични возачи на локомотива! Можеби почетокот на приказнава звучи малку банално но едноставно така е, тоа се случило и во вистинскиот настан!

Се на се: Одличен, возбудлив трилер кој нема да забележите кога ќе помине од почеток до крај! На целата акција посебна тежина дава фактот што се ова се има и реално случено! Љубителите на жанрот никако не смеат да го пропуштат филмов!

Оценка: 7/10

Red (2010)

October 24, 2010 Leave a comment

red poster

Година: 2010
Режија: Robert Schwentke
Сценарио: Jon HoeberErich Hoeber (работено според истоимениот стрип на Warren Ellis и Cully Hamner )

Приказна: Кога пензионираниот агент на тајните служби Frank Moses (Bruce Willis) ќе ја запозне Sarah Ross (Mary-Louise Parker) помеѓу нив ќе почнат да летаат сосема други искри покрај љубовните. Уште на самиот почеток на филмот некој се обидува да го убие па тој ќе биде принуден да го брани својот и животот на Sarah која сосема случајно ќе се најде втурната во цела таа мешаница. Во сето тоа на Frank му помагаат тројца колеги од старите денови Joe (Morgan Freeman), Marvin (John Malkovich) и Victoria (Helen Mirren). На спротивната страна, одговорен за нивна ликвидација стои агентот Cooper (Karl Urban). Филмот изобилува со акција од почеток до крај зачинета со доста смешни моменти. Приказната како ваква и не е којзнае што но надополнета со интересните ликови и одличната глума прави филмов да е право уживање.

Екипа: Од време на време Холивуд знае да направи полн погодок во изборот на главните и споредни улоги. Red е токму тој случај. Сите се одбрани на место, интересни и одлично глумат. Willis е како создаден за ваков филм, акционен херој со шармантна насмевка, кој лесно се трансформира од смешен во смртоносен. Споредните ликови на Malkovich и Helen се исто така одлични. Malkovich е праноичен лудак, за што и нема потреба многу да се труди да го изглуми. До него, Miren е смртоносната дама во години што исто така одговара на нејзиниот карактер како глумица…. барем “дама” делот. 🙂 И на крај но секако не последна, Mary-Louise Parker одлично се снаоѓа во оваа група од стари волци. Секси, смешна и, како што ја знаеме од Weeds, најчесто без поим што точно се случува….. целосно изгубена во мешаницата околу неа. Сето тоа на многу сладок начин. 😉

Се на се: Red е филм кој несмее да се пропушти. Не дека е некое откровение или дека нуди нешто до сега невидено, туку строго поради забавниот фактор, акцијата и одличните актери и актерки што на екранизираната приказна и даваат свој шарм. Доколку се погледне во рамките на својот жанр, романтично-комична акција, овој филм заслужува чиста 9ка…. не е 10ка затоа што колку и да има акција, никогаш не е доволно 😀

Оценка: 9/10

Resident Evil: Afterlife

October 10, 2010 Leave a comment

resident-evil-afterlife-poster

Година: 2010
Режија: Paul W.S. Anderson
Сценарио: Paul W.S. Anderson

Приказна: Во потрага по Аркадиа, Алис (Milla Jovovich) стигнува во Алјаска каде не наоѓа ни трага од ветениот град. Си ја пронаоѓа само другарката (Ali Larter) од претходниот дел со која се упатува во Л.А. Таму со група преживеани сместени во поранешен затвор се обидуваат да се пробијат низ огромен обрач од зомбија за да конечно можат да дојдат до ветеното прибежиште. И како таква, приказната е една од појаките страни на филмов.

Екипа: Во суштина ништо ново и интересно. Тука се Milla и Ali од претходниот дел и остатокот е неважен. Единствен исклучок кој можно е да го гледаме и во некој од наредните делови е појавувањето на Wentworth Miller како Chris Redfield. За тие што не знаат, Miller е ѕвездата на Prison Break. Тука е и смешниот момент, неговиот лик во филмов е затвореник кој на другите им помага да се извлечат од затворот во кој се заглавени! Прилично евтин потег.

Се на се: Работа што најмногу ми пречеше во филмов е што добри 40% зафаќаат slow-mo моменти. На некои сцени, можев слободно да тркнам до кујна, да направам пуканки, да одам до продавница да земам за пиење, да се вратам и истата уште немаше да биде завршена. Тоа тотално ми ја уби динамиката на акционите сцени и ги направи скоро неупотребливи. Кога сме веќе кај акцијата, најдобрите елементи од Afterlife се чиста Matrix копија. Копирањето оди до тој степен што главниот негативец е ист agent Smith!! Кога на тоа ќе се додадат сите глупави претерувања, лоши ефекти, лоша камера, лоша глума и катастрофални creatures, Afterlife филм што мора да се пропушти.

Оценка: 5/10