Archive

Archive for the ‘Хорори’ Category

Devil (2010)

February 11, 2011 Leave a comment

Година: 2010
Режија: John Erick Dowdle
Сценарио: Brian Nelson (сценарио), M. Night Shyamalan (приказна)

Екипа: Единствено можеби бабичката, Jenny O’Hara, е нешто попозната. Останатите: Chris MessinaLogan Marshall-GreenBokeem Woodbine и Bojana Novakovic се со претежно неважни и не многу успешни споредни улоги и улоги по серии во своите кариери.  Затоа што гарант ќе сакате да знаете, Bojana Novakovic е родена србинка (1981) меѓутоа порасната и образована во Австралија. Ретко кој од Балканот директно стига во Холивуд.

Иако се релативно непознати не можам да најдам поголеми забелешки за глумата. Освен можеби на Bojana која на моменти ми е малку пластична. Сите останати верно си ги пренесуваат ликовите и допринесуваат кон добрата атмосфера низ целиот филм.

Приказна: Релативно едноставна приказна која повеќе се потпира на атмосфера и тоа сосема успешно. Од време на време, ѓаволот доаѓа помеѓу обичните луѓе, одбира група на грешници и си поигрува со нив порадни нивните злодела. Што до некаде е чудно! Не би требало тоа да го прави некој поданик на Бог, некој од добрите? Зашто ѓаволот би ги казнувал оние кои чекорат по неговиот пат?

Во секој случај, ѓаволот е многу лут на група грешници и е решен да ги земе со себе… долу по скалите! 😉 Навидум едноставните настани како скокот од 100 катница и заглавување на лифт всушност претставуваат последица од насобирањето на негативна енергија поради неговото доаѓање. Токму тој лифт ќе стане сцена за крвав масакар. Надвор од лифтот детективот Bowden прави се што е во негова моќ да ги спаси оние заглавени во него но без притоа да може да согледа што вистински се крие позади настаните. Интересното е што сите судбини на учесниците се испреплетени на еден или на друг начин. Ништо не е случајно.

Се на се: Едноставен и интересен филм со заплет кој што е фин доколку не се навлезе премногу во анализирање на тоа што и зашто. Добра атмосфера, неколку добри плашења и солидна глума од актерите се доволна причина за да го видат љубителите на класичните трилер филмови без притоа да мора да бидат хорор фанови. Од друга страна, ништо оригинално. Потсетува прилично на долгометражна епизода од Supernatural, па на љубителите на серијалот филмов ќе им биде “гола вода”.

Оценка: 6/10

Noroi: The Curse (2005)

December 9, 2010 Leave a comment

Noroi The Curse

Година: 2005
Режија: Kôji Shiraishi
Сценарио: Kôji Shiraishi

Ќе морам пак да избегам од стандардниот начин на претставување филмови од неколку причини. Најпрво бидејќи Noroi е далеку од типичен филм а потоа бидејќи во него нема апсолутно никој познат ниту значаен што вреди да се истакне. Да се анализира глумата на актерите исто така ми е без поента кога во овој случај тоа е најмалку важната работа.

Masafumi Kobayashi е долгогодишен истражувач на паранормални активности,случки и нерешени мистерии. Noroi е филм за неговиот последен документарец за демонот Kagutaba под име The Curse, после кој Kobayashi мистериозно исчезнува и никогаш повеќе не е виден. Noroi е приказ на документарецот со нарација која објаснува одредени случки пред и после снимањето на филмот. Самиот документарец е језива и потресна приказна за мистериозни настани што се слулуваат околу неколку навидум случајни личности.

Noroi во суштина не е исклучителен филм по ниеден критериум. Сепак, приказната на моменти е прилично вознемирувачка и, типично за јапонците, настрана и морбидна. Иако текот на нештата е поспор на почетокот, на крајот настаните експлодираат и кулминираат прилично неочекувано. Најстрашните моменти ми беа откако мислев дека веќе се е завршено. Особено e застрашувачки е доколку барем на момент поверувате дека ова е вистински документарец! Со оглед на тоа дека е сниман со аматерска камера, верувам дека тоа и нема да е многу тешко. Како дополнение на тој ефект на реалност (ама само за Јапонците) е што во филмов учествуваат познати ТВ фаци од Јапонија а и добар дел од снимките се направени како извадоци од јапонски ТВ шоуа и емисии.

Ако треба да изберам три причини поради кои би требало да се погледне е тоа што е вознемирувачки и морбиден, наликува на Paranormal Activity (а овој доста подоцна се појави и постигна огромен успех) и го има на YouTube во вкупно 11 дела па е прилично лесно достапен.

Оценка: 6,5/10

Carny (TV 2009)

November 11, 2010 Leave a comment

Carny posterГодина: 2009
Режија: Sheldon Wilson
Сценарио: Douglas G. Davis

Екипа: Би рекол типична ТВ тиња. Можеби е навредливо но некои глумци де факто никогаш нема да излезат од ТВ екраните па на големото платно. Ќе останат просечни или поради тоа што се задоволни со просечност или бидејќи толку ги бива. Типичен претставник на таа фела ми е главниот лик на филмов Lou Diamond Phillips. Верувам нема кој не го знае. Човекот си има изградено имиџ од лоши, нискобуџетни ТВ филмови, серии и што е право едно или две солидни кино остварувања. Очигледно е подостарен, но фацата е таа, препознатлива, како бренд! И искрено, само ради него не го исклучив филмот. Вториот познат глумец во филмов е Alan C. Peterson. Тој, рака на срце, се има појавувано во доста големи филмски проекти (Narc, Shooter, Defendor, Shanghai Noon…) што верувам дека одма се познава од неговата глума. Се останато од глумците е катастрофа во секој можен поглед.

Приказна: На првата вечер на карневалот во малото американско гратче, на главното отварање, нивната главна атракција ќе успее да побегне и да направи касапница наоколу. Атракцијата е помалку познатиот Jersey Devil, урбана легенда од американскиот исток. Шерифот (Lou Diamond Phillips) сака да го фати за да го убие, газдата на карневалот (Alan C. Peterson) за да може со него да го продолжи своето шоу. Горе-доле тоа е се, плитко, проѕирно и без многу возбуди. Згора на се ефектите се мизерни а крајот… крајот е во суштина непостоечки бидејќи филмов не заврши туку едноставно престанува!

Се на се: Дури и die-hard хорор обожаватели треба да помислат два пати пред да седнат да го гледаат филмов! Мене ми го предложи ДВД снабдувачот…. што го сменив веќе наредниот ден!

Оценка: 3/10

Resident Evil: Afterlife

October 10, 2010 Leave a comment

resident-evil-afterlife-poster

Година: 2010
Режија: Paul W.S. Anderson
Сценарио: Paul W.S. Anderson

Приказна: Во потрага по Аркадиа, Алис (Milla Jovovich) стигнува во Алјаска каде не наоѓа ни трага од ветениот град. Си ја пронаоѓа само другарката (Ali Larter) од претходниот дел со која се упатува во Л.А. Таму со група преживеани сместени во поранешен затвор се обидуваат да се пробијат низ огромен обрач од зомбија за да конечно можат да дојдат до ветеното прибежиште. И како таква, приказната е една од појаките страни на филмов.

Екипа: Во суштина ништо ново и интересно. Тука се Milla и Ali од претходниот дел и остатокот е неважен. Единствен исклучок кој можно е да го гледаме и во некој од наредните делови е појавувањето на Wentworth Miller како Chris Redfield. За тие што не знаат, Miller е ѕвездата на Prison Break. Тука е и смешниот момент, неговиот лик во филмов е затвореник кој на другите им помага да се извлечат од затворот во кој се заглавени! Прилично евтин потег.

Се на се: Работа што најмногу ми пречеше во филмов е што добри 40% зафаќаат slow-mo моменти. На некои сцени, можев слободно да тркнам до кујна, да направам пуканки, да одам до продавница да земам за пиење, да се вратам и истата уште немаше да биде завршена. Тоа тотално ми ја уби динамиката на акционите сцени и ги направи скоро неупотребливи. Кога сме веќе кај акцијата, најдобрите елементи од Afterlife се чиста Matrix копија. Копирањето оди до тој степен што главниот негативец е ист agent Smith!! Кога на тоа ќе се додадат сите глупави претерувања, лоши ефекти, лоша камера, лоша глума и катастрофални creatures, Afterlife филм што мора да се пропушти.

Оценка: 5/10

From Within (2008)

September 13, 2010 Leave a comment

From Within

From Within беше дел од официјалната програма на третиот по ред After Dark Horror Fest во 2009та година. Самиот тој факт е показател за тоа што може да се очекува од филмов. Просечен до лош, со релативно неоригинално сценарио, доста непознати глумци со многу мала шанса да изненади. Слободно може да се каже дека From Within влетува токму во тие рамки.

doppelganger

Приказната е за едно мало американско градче во кое жителите мистериозно започнуваат да се самоубиваат. Се покажува дека причината не е досадното секојдневие ниту депресија туку дека на работа се одредени натприродни сили. Во центарот на збиднувањата 🙂 се наоѓаат двата глави лика Lindsay и Eidan, глумени од Elizabeth Rice и Thomas Dekker. Како се одмотува приказната се воспоставува дека темнато минато на фамилијата на Eidan има голем удел во се што се случува.

Филмов не е прав хорор, во вистинска смисла на зборот. Повеќе е како трилер без премногу возбуди и чат-пат по некој страшен момент. Иако самата приказна и не е толку лоша, нискиот буџет секако си ја има одиграно својата улога во просечноста на филмот. Токму поради тоа изостануваат сцени со којзнае какви застрашувачки ефекти или феноменална шминка. Убоди со ножици во врат, неколку запалувања, пресечени вени и уште две-три упатства за самоубиство е се што се нуди од застрашувачки аспект. Најјезиви моменти во филмов дефинитивно се оние кога имагинарните жртвите се бркани од нивните замислени двојници со бледи, венасти лица и испиени очи. За одредени сцени со сигурност можам да тврдат дека се директно украдени од други филмови. Први два такви на кои ми текнува се Final Destination и The Exorcism of Emily Rose.

Сепак на крај, кога ќе ми текне на сите катастрофални хорор филмови од последно време, општиот впечаток за From Within ми е некако позитивен. Кон тоа најверојатно придонесоа интересната и воглавно помлада глумечка екипа и одличната завршна сцена која секако е врв на филмов.

Vacancy

July 23, 2007 Leave a comment


Со исклучок на Psycho (1960) кој го немам гледано, ова е можеби најдобриот филм во slasher movie класата. Во Vacancy има баш се што беше испуштено во Friday 13th, I know what you did last summer, Valentine, Scream и многу други! За разлика од нив тука Beckinsale, Wilson и Whaley (психо мастермајндот) глумат одлично па дури и предобро за ваков тип на филм! Ликовите се доста промислени и не прават класични глупи потези што расипуваат расположение 🙂 Осебно ми се допадна што целиот филм е како една куса вињета, еден времеснки исечок од животите на главните актери поврзани со мотелот. Нема објаснувања што, кој, зашто како, што било пред тоа….. апсолутно и нема потреба! Филмот се фокусира едноставно на настаните од таа ноќ и толку. Одличен трилер!!