True Grit (2010)

February 25, 2011 3 comments

Година: 2010
Режија: Joel and Ethan Coen
Сценарио: Joel and Ethan Coen (сценарио), Charles Portis (роман)

Приказна: Најпрво вреди да се спомне фактот дека истава приказна е веќе филмувана во 1969. Филмот го носи истиот наслов а во главната улога е легендарниот John Wayne. Бидејќи го немам гледано, неможам да судам за неговиот квалитет ниту пак колку новиов True Grit е преработка или е едноставно нов поглед на романот на Charles Portis. Тука и ќе го завршам муабетот за старата верзија.

Приказната во True Grit претставува нарација на Mattie Ross, сега веќе средовечна жена, за случувањата во нејзиното детство околу убиството на нејзиниот татко.  Иако само 14 годишно девојче таа на итар и неверојатно тврдокорен начин успева да го најми маршалот Rooster Cogburn и тексашкиот ренџер LaBoeuf да го најдат убиецот. Така со нив двајца тргнува по потрага за Tom Chaney низ американските прерии. Тоа можеби и не би бил толку голем проблем доколку не се земат проблематичните карактери на двајцата главни протагонисти. Cogburn, веќе во години, е суетен и пропаднат пијаница а LaBoeuf е осаменик далеку од својот дом, научен да не верува на никој друг освен на себе си. Ниту еден од двајцата не и ја олеснува работата на малата Mattie Ross.

Иако филмов припаѓа на вестерн жанрот, направен е на така фин начин што верувам дека ќе се допадне и на женската публика. Кон таква претпоставка ме влече и сентименталната нота проткаена низ крајот на филмот која сигурно нема никого да остане рамнодушен.

Екипа: Нема ништо поубаво кога една одлична филмска приказна ќе биде одиграна од уште подобра глумечка екипа. True Grit е баш еден таков пример. Jeff Bridges (Rooster Cogburn) , Hailee Steinfeld (Mattie Ross), Matt Damon (LaBoeuf) и Josh Brolin(Tom Chaney) даваат прекрасни изведби! Тоа мое мислење не е поради фактот што се ѕвезди! Ни најмалку не е така! Луѓево во филмов се едноставно феноменални, даваат можеби се од себе за да на веродостоен начин ги одиграат улогите кои што им се дадени. Нешто што можеби и треба да е стандард но за жал стандард што се помалку го има во Холивуд.


За Hailee Steinfeld улогата на Mattie Ross е нејзина прва на големото платно. Можете да замислите колку е само добра кога во својот дебитантски настап успева да добие номинација за оскар. Подобра глума од млада актерка немам видено со години!


Начинот на кој господинот Jeff Bridges успева да се истрансформира од филм до филм се граничи со генијалност! Нема како поинаку да се објасни и неговата улога како Rooster Cogburn која му ја носи шестата номинација за оскар! Лани истата таа награда и ја освои. Изгледа како да влегува во своето златно глумечко доба кога целиот талент му експлодира на најдобар можен начин.

Се на се: 10 номинации за оскар, 13 други веќе освоени награди и уште 54 други номинации. Филм за сечиј вкус што несмее никој да го пропушти! Чиста десетка!

Оценка: 10/10

Advertisements

Devil (2010)

February 11, 2011 Leave a comment

Година: 2010
Режија: John Erick Dowdle
Сценарио: Brian Nelson (сценарио), M. Night Shyamalan (приказна)

Екипа: Единствено можеби бабичката, Jenny O’Hara, е нешто попозната. Останатите: Chris MessinaLogan Marshall-GreenBokeem Woodbine и Bojana Novakovic се со претежно неважни и не многу успешни споредни улоги и улоги по серии во своите кариери.  Затоа што гарант ќе сакате да знаете, Bojana Novakovic е родена србинка (1981) меѓутоа порасната и образована во Австралија. Ретко кој од Балканот директно стига во Холивуд.

Иако се релативно непознати не можам да најдам поголеми забелешки за глумата. Освен можеби на Bojana која на моменти ми е малку пластична. Сите останати верно си ги пренесуваат ликовите и допринесуваат кон добрата атмосфера низ целиот филм.

Приказна: Релативно едноставна приказна која повеќе се потпира на атмосфера и тоа сосема успешно. Од време на време, ѓаволот доаѓа помеѓу обичните луѓе, одбира група на грешници и си поигрува со нив порадни нивните злодела. Што до некаде е чудно! Не би требало тоа да го прави некој поданик на Бог, некој од добрите? Зашто ѓаволот би ги казнувал оние кои чекорат по неговиот пат?

Во секој случај, ѓаволот е многу лут на група грешници и е решен да ги земе со себе… долу по скалите! 😉 Навидум едноставните настани како скокот од 100 катница и заглавување на лифт всушност претставуваат последица од насобирањето на негативна енергија поради неговото доаѓање. Токму тој лифт ќе стане сцена за крвав масакар. Надвор од лифтот детективот Bowden прави се што е во негова моќ да ги спаси оние заглавени во него но без притоа да може да согледа што вистински се крие позади настаните. Интересното е што сите судбини на учесниците се испреплетени на еден или на друг начин. Ништо не е случајно.

Се на се: Едноставен и интересен филм со заплет кој што е фин доколку не се навлезе премногу во анализирање на тоа што и зашто. Добра атмосфера, неколку добри плашења и солидна глума од актерите се доволна причина за да го видат љубителите на класичните трилер филмови без притоа да мора да бидат хорор фанови. Од друга страна, ништо оригинално. Потсетува прилично на долгометражна епизода од Supernatural, па на љубителите на серијалот филмов ќе им биде “гола вода”.

Оценка: 6/10

Collapse (2009)

February 5, 2011 Leave a comment

Година: 2009
Режија: Chris Smith

Ова е документарен филм за колапсот. Пред се за оној на светската економија од пред некое време. Истата што сеуште трае и ги тресе и малите и големите држави ширум светот. Но ова е филм и за еден поинаков вид на колапс. Оној што може е пострашен од политичко-економскиот. Тоа е колапсот на животот на главниот протагонист на овој филм, Michael Ruppert. Овие два меѓусебе испреплетени слоја го прават Collapse суштински од повеќе аспекти. Далеку од тоа дека, како што некои критичари велат, е уште една приказна за уште еден светски заговор.

Некако е нелогично да се раздвојат двете гореспоменати нишки на оваа приказна. Поради тоа, за да се дојде до идеите во врска со големта економска криза мора да се започне најпрво со животот и делото на нивниот креатор.

Ruppert е роден 1951 во Washington DC. Потекнува од фамилија која е длабоко поврзана со разни владини агенции, CIA, DoD и слично. Најверојатно воден од семејната историја се запишува и завршува политички науки на UCLA. Потоа добива работа како полицаец во LAPD. Таму за кратко време ги покажува своите квалитети, завршува и курс за агент на DEA и се префрлува баш во тој оддел како детектив. Од тој момент започнува своевидниот колапс на неговиот живот.

Во 1977 открива дека самата CIA учествува во трговија и дистрибуција на наркотици што и официјално го пријавува. Откако увидува дека сите се свесни за тоа и премолчувајќи истото го одобруваат, дава отказ од CIA во 1978. Во наредниот период е под голем притисок и закани. Направени биле и три обиди да биде ликвидиран но безуспешно. И покрај се, тој не престанува во своите обиди да дојде до правда. Тоа го прави на сите можни начини во наредните 20 години, од јавни соочувања со лица високо во хиерархијата на Агенциите, до официјално приложување на разни доказни материјали. За жал, до ден денес, никој нема делувано по нив.

Доцните 90ти станува истражувачки новинар и започнува newsletter под име From the Wilderness во кој разоткрива разни корупциски скандали во владеачките структури на САД. Читан е во над 50 држави, од бројни видни личности во државата како професори и конгресмени. Благодарејќи на својата експертиза вршел предавања низ многу универзитети а бил и повикуван на сослушувања за разни случаи на корупција.

Michael Ruppert

Michael Ruppert

Атмосферата во Collapse не е ништо поразлична како на самиот постер. Ruppert е сместен во темна соба, седнат на столица, нешто налик на оние ќелии за испрашување на осомничени. Од една таква атмосфера, палејќи цигара за цигара, тој ги реди своите гледишта за тоа што се случи со светската економија и што доведе до нејзинио стрмоглав пад. Главно место во неговите размислувања зема идејата за peak oil, како во еден момент производсвото на нафта ќе го достигне врвот и во еден момент ќе почне да опаѓа се до оној момент кога целосно ќе ја снема. Според него, светската економија е градена на постулатот дека сите ресурси се бесконечни, што некако се коси со здравата логика! Што и да е, ќе дојде денот кога ќе се потроши па и самата нафта. Што тогаш? Како тогаш ќе се продолжи со се? Ruppert спасот го наоѓа во фамилајата, заедницата и меѓусебното помагање, што на целата црна приказна и носи нота на надеж и оптимизам.

Идеите на Ruppert варираат од застрашувачко вистинити и потресни до параноидни. Убавото нешто е што Chris Smith не завзема страни. Тотално е непристрасесен кон се што се кажува. Се чини дека нему поважен му е Ruppert како личност отколку неговите излагања. Поради тоа на неколку пати не му пречи да го остави Ruppert убаво да се исплаче, без притоа да е јасно што точно тој оплакува, светскиот пад или неговиот личен пад. Кон таа можност се придодава и крајот на овој документарец. Тој режисерот не го завршува со можно сценарио за крај на светот или порака кон човештвото, туку ја истакнува тешката состојба на неговиот главен јунак, без пари, без семејство, под закана да биде иселен од малата куќа која ја изнајмува.

Collapse е една потресна приказна која несмее да се пропушти и покрај тоа што некои ја опишуваат како налудничави бладања за уште еден голем светски заговор кои не ја земаат во предвид човековата снаодливост да се справи со каков и да е проблем.

Оценка: 8/10

Unstoppable (2010)

January 8, 2011 2 comments


Година: 2010
Режија: Tony Scott
Сценарио: Mark Bomback

Екипа: Никој не би можел да се жали за недостатоци во овој аспект на филмот! Дури и во најлоша форма Denzel Washington може да поткрене филм на едно скалило повисоко. Иако ова е далеку од негова најдобра улога сепак е солиден и го пружа токму тоа што се бара од ликот што го игра! Chris Pine верувам е ставен во филмов колку-толку да привлече женска публика. Кого и да ставеле на негово место би изиграл добро пред се затоа што и нема којзнае што за глумење. Може да се каже дека глумците се некако споредната работа во целиов филм иако на моменти добро придонесуваат. Главното е самата приказна за која режисерот и сценаристот се имаат погрижено да е супер возбудлива, неизвесна и интересна од почеток до крај!

Приказна: Животот пишува романи! Е во овој случај, животот пишува сценарио! Unstoppable е сниман по вистинска приказна која како што ми се чини е многу малку изадаптирана за филмскиот екран! Се почнува кога на еден паркинг за возови, на машиновозачот успева да му избега цела композиција од вагони и тоа под полна гас! Да бидат работите уште полоши, дел од вагоните во себе носат високо запалливо и токсично средство. За кратко време сите сфаќаат дека немаат избеган воз но избегана ракета која се очекува да експлодира секој момент. Во борбата да се сопре возот директно се вмешуваат двајцата главни протагонисти (играни од Washington и Pine) инаку најобични возачи на локомотива! Можеби почетокот на приказнава звучи малку банално но едноставно така е, тоа се случило и во вистинскиот настан!

Се на се: Одличен, возбудлив трилер кој нема да забележите кога ќе помине од почеток до крај! На целата акција посебна тежина дава фактот што се ова се има и реално случено! Љубителите на жанрот никако не смеат да го пропуштат филмов!

Оценка: 7/10

The Seducer’s Diary of Imaginary Beings

December 19, 2010 Leave a comment

Најслатка мака е онаа кога не знаеш да се одлучиш што да читаш. Уште поинтересно станува кога имаш голем избор па прелистуваш де од една книга де од друга. Иако стварно имам голем избор еве само две за кои се мислев да им ја тргнам прашината од полица:

1. The Book of Imaginary Beings by Jorge Luis Borges

Насловната од илустрираната едиција што за жал не е мојата. Онаа што јас ја имам, не успеав да ја најдам на нет. 😦

Few will want, or be able, to resist this
modern bestiary. Here you will find the familiar –
Gryphons, Minotaurs and Unicorns – as well as the
Monkey of the Inkpot and other undeniably curious
beasts. Borges’ cunning and humorous commentary
is sheer delight

Напишана во 1957 под оригиналниот наслов Manual de zoología fantástica, проширувана е во 1967 и 1969 до ова последна верзија. Во неа содржи описи на 200 суштества од разни митологии и народни верувања. Според Borges не треба да се чита од почеток до крај но селективно, скокајќи од еден опис на друг, сосема по желба.

2. The Seducer’s Diary by Søren Kierkegaard

 

Дел од "Great Loves" едицијата на Penguin

Johannes is an aesthete, dedicated to creating the possibility
of seduction through the careful manipulation
of young women. He stealthily pursues the innocent
Cordelia until she becomes increasingly drawn to him.
But when she is ready to give herself completely, she
realizes she may have got everything wrong.

Книгава ја купив во Икона по сосема ненамерно. Ми се допадна премисата и ја земав иако не знаев апсолутно ништо за писателот, за голема срамота. Испадна дека Kierkegaard е прочуен дански философ и теолог кој се смета за татко на егзистенцијализмот. Тој од една страна бил голем противник на философијата на Хегел а од друга, бил под влијание на философијата на Кант. Како таков, човек што се става во ист философски кош со Ниче и Сартр и кој што со своите бројни дела ги надминува границите на различни философски гледишта и размислувања, Kirkegaard треба дополнително да се истражи. Сето ова ветува дека The Seducer’s Diary треба да биде едно одлично дело што во најмала мера ќе поттикне на размислување.

Но…колку и да изгледаат интерсни, за жал, и двете ќе мораат да причекаат. Веќе пишував за Magnetism од F. Scott Fitzgerald а и прочитав еден расказ од неа па би било редно да ја дочитам. Порано или подоцна, и на овие две ќе им дојде редот.

Отсечоци ала Лоана

December 14, 2010 Leave a comment

Како полека ја довршувам The Mysterious Flame of Queen Loana, на некои 50 страници до крајот, така чуствата и впечатоците стануваат некако посилни. Не дека во изминатите 400 и кусур страни немало ништо вредно за истакнување, далеку од тоа, но во крајниве некако се нижат убави цитати. Во неизвесност дали нешто повеќе од ова и ќе успеам да напишам за книгава еве неколку највпечатливи, дополнети со соодветни слики, во содејство со самата книга.


The most beautiful island is the one that has not been found.


Anything can be resisted, except temptation!


“You are my husband, begone, this is my lovers place!”
Could sin be possibly so heroically overpowering?


A woman naked is a woman armed.

Како јаготка на шлагот, која може и да ви го расипе овошниот куп, еден морбиден виц од страниците на книгава:

Докторот му кажува на пациентот дека е терминално болен, тешка форма на рак. Му предлага песочни бањи, неколу саати дневно да поминува закопан во песокот на некоја плажа. На прашањето на пациентот дали тоа ќе му помогне и ќе му ја подобри состојбата докторот му одговара “Не… но можеш веќе да почнеш да се навикнуваш!” .

Skyline (2010)

December 10, 2010 Leave a comment

Skyline

Публицитет: Skyline го дознав по лош глас. Насекаде по интернет, вклучително IMDB и Rotten Tomatoes, има катастрофално лоши критики. Плукале по него сите што стигнале. Ај тие профи критичарите него и обичната публика. До некаде публиката можам да ја разберам, најчесто чопоративно ја следи критиката, па во наплив на масивна хипноза сите даваат или позитивни или негативни критики. Од друга страна, американската публика што го сочинува најголемиот дел од гласачкото тело, не сака филмови во кои американците губат. И за професионалните критичари имам објаснување а тоа е дека се платени да дадат лоша критика! Еве и зошто! Студиото за специјални ефекти на браќата Strause најверојатно ќе влезат во судски спор со Sony бидејќи Sony во моментот на склучување на договорот за изработка на специјалните ефекти за нивниот Battle LA проект не биле известени дека Strause веќе работат на конкурентскиот Skyline! Не дека нема валкана игра и од браќава тука ама сепак изгледа дека Sony возвраќа десеткратно со тоа што ги има насскано сите можни критичари против Skyline и буквално го уништува филмот! Двојна добивка, ем е уништен конкурентскиот продукт ем е поплочен патот за новиот блокбастер филм од Sony World Invasion: Battle LA.

Skyline е далеку од перфектен sci-fi но е далеку, далеку подобар од она што го велат апсолутно сите критичари. Кон неговата вредност надополнуваат уште тоа што има релативно низок буџет! Потребни биле пола милион долари трошок за снимањето и проближно 10 милиони за специјалните ефекти! Кога сме кај нив, Skyline е можеби еден од најтешките филмови во тој поглед со 800 VFX кадри!

Екипа: Тука на критиката не може да и се забележи бидејќи кастингот и глумата се навистина очајни. Ова до некаде е оправдано со нискиот буџет но сепак сметам дека можеле барем малку да се потрудат при изборот на актери. Вака имаме глумци (Eric Balfour, David Zayas, Donald Faison, Brittany Daniel, Scottie Thompson итн) чиј сумарен талент не е ни половина од оној на некоја голема глумечка ѕвезда. Единствено можеби Scottie Thompson откскокнува од потпросечноста па како единствена од групата може и да добие некоја преодна оценка. Најлошото во сево ова што некако нема хемија помеѓу гледачот и ликовите или барем јас не успеав да доживеам такво нешто. Ниту еден од нив не ми беше симпатичен па ми беше сеедно кога беа требени еден по еден. Кога веќе барем малку почнав да сочуствувам веќе беше предоцна бидејќи филмот заврши.

Приказна: Ова е според мене најсилната а според критичарите најконтроверзната страна на Skyline. За таква ја сметаат приказната бидејќи велат е плагијат и микс од повеќе познати sci-fi филмови. Иако не се воопшто далеку од вистината, самиот факт што имаат одличен микс кој го збогатиле, обработиле и надградиле како краен продукт е вредно за пофалба. Off from the very beginning…

Дејствието се случува од перспектива на група млади луѓе во L.A. Oткако ќе се разбудат на сред ноќ после луда журка (потсетува на Cloverfield) откриваат дека над градот лебдат огромни сини топки од чудна светлина. Се покажува дека таа сина светлина е сијалицата а луѓето се комарците кои треба да ги привлече. После само неколку секунди поглед во светлината луѓето остануваат парализирани за да огромните вселенски бродови лесно ги вшмукаат кон нив. Да! Огромни бродови, налик на оние во Independence Day, кои во илјадници ги вовлекуваат луѓето во нив, нагоре кон небото. Со тоа сознание започува борбата за опстанок на главната група протагонисти криејќи се по становите на нивната зграда. Особено интересно станува кога во лов на преостанатите преживени ќе бидат пуштени различни други видови на вонземјани. За разлика од многу други филмови тука нема непотребни но спектакуларни уништувања на згради и објекти! Поради тоа, во рок од неколку часа од приказната L.A. е целосно испразнет но структурно недопрен, како некој огромен град на духови.

Што се однесува до вонземјаните тие се најубавиот дел. Сите се различни! Има тенкери, огромни суштества налик на Кинг Конг со истите тие сини светла од почетокот наместо очи! Потоа дронови и хидри, секој вид со свои специфики и намени во ловот на луѓе. Иако изгледаат како механизми сите вонземјани, па и огромните матични бродови се живи организми (“Farscape” anyone?) . Од тој факт доаѓа и објаснувањето зашто се дојдени во лов на луѓе, а тоа е бидејќи им е потребен туѓ ЦНС за да функционираат!! Поради тоа има повеќе сцени на обезглавување и вадење на черепен и рбетен мозок all in one! За жал има малку сцени на уништување на вонземјани едноставно бидејќи не се случува. Дојденците имаат способност за целосна регенерација што ги прави прилично мачни за убивање!

Иако читам на многу места дека постапките на главните ликови биле глупави и нелогични, мене од почеток до крај ми се сосема издржани и со покритие. Дури постапките тука ми се многу пологични од многу други филмови од жанрот. Сите тие постапки водат до крај кој истовремено е и очекуван но и целосно изненадувачки. Во него е и новината што ја носи Skyline иако ако некој сака да претера може ќе каже дека идеата им е украдена од Avatar . Финално, иако крајот сосема ја заопкружува приказната и дејствијата, остава место за продолжение на кое наводно браќата веќе работат.

Се на се: Апсолутно го препорачувам на sci-fi љубители и гејмери! Точно е дека претставува микс на веќе видени работи, исфилувани со извонредни ефекти и пропрскани со некоја новинка, но сепак е далеку подобар филм од она што критичарите го кажуват за него! За нивни инаeт:

Оценка: 7/10